Ózbekstan Sawda-sanaat palatası Qaraqalpaqstan Respublikası basqarmasında “Uzbek Leasing International” kompaniyası tárepinen isbilermenler hám taraw wákilleri ushın ámeliy seminar shólkemlestirildi.

Seminarda awıl xojalıǵı texnikaları hám úskenelerin lizing arqalı satıp alıwdıń huqıqıy hám ámeliy jaqları, “Uzbek Leasing International” kompaniyası tárepinen berilip atırǵan qarjılandırıw imkaniyatları hám jeńilletilgen shártleri, lizing shártnamaları, talap etiletuǵın hújjetler, múddet hám tólew tártipleri, jergilikli islep shıǵarıwshılar ushın jaratılıp atırǵan qolaylıqlar hám mámleketlik qollap-quwatlaw mexanizmleri boyınsha tolıq maǵlıwmatlar berildi.
Atap aytqanda, “Uzbek Leasing International” kompaniyası wákilleri menen basqarma tárepinen seminardan soń ótkerilgen sóylesiwlerde Qaraqalpaqstanlı isbilermenler ushın lizing shártlerin jeńilletiw boyınsha kelisip alındı. Máselen, basqarma tárepinen usınılatuǵın isbilermenlerge ásbap-úskeneler, imaratlar 18 procentten emes, 17 procentten beriliwi, bunnan tısqarı, lizingtiń basqa shártlerinde de jeńillikler hám járdemler beriliwine kelisip alındı.
Bul boyınsha qosımsha sorawlar yaki járdem kerek bolsa basqarmaǵanıń qánigesine +998 90 701 05 06 telefon nomeri arqalı xabarlasatuǵınlıǵı atap ótildi.
Qatnasıwshılar qánigelerden ózlerin qızıqtırǵan sorawlarǵa juwap aldı.

Qaraqalpaqstan xabar agentligi