Búgin Xojeli rayonında jaqında elimizde bolıp ótken ózin-ózi basqarıw uyımları baslıqların saylaw mapazında usı lawazımǵa saylanǵan juwapkerlerge rásmiy túrde xızmet gúwalıǵı hám kókirek belgisin tapsırıw máresimi bolıp ótti.

Ilajǵa Ózbekstan máhálleleri associaciyasınıń rayonlıq bóliminiń baslıǵı N.Paxratdinov, tiyisli taraw basshıları hám 28 máhálle baslıqları qatnastı. Ilajda rayon hákimi J.Ermashev sózge shıǵıp, jańadan saylanǵan mákan puqaralar jıyınları baslıqlarına xalıqtıń isenimin aqlap, óz wazıypaların pidayılıq penen atqarıw hám orınlarda bolıp atırǵan mashqalalardı úyrengen halda nátiyjeli jumıs alıp barıwdı ayrıqsha atap ótti. Óz gezeginde, máhálle baslıqları kórsetilip atırǵan itibar ushın minnetdarshılıq bildirip, júklengen wazıypalardı shólkemleskenlik penen ámelge asıratuǵının atap ótti.

Qaraqalpaqstan xabar agentligi