Prezident pármanı hárekette

Prezidentimizdiń 2023-jıl 8-avgusttaǵı «Qaraqalpaqstan Respublikasında isbilermenlerge qolaylı sharayatlar jaratıwǵa qaratılǵan qosımsha ilajlar» haqqındaǵı pármanı tiykarında respublikamız boylap keń kólemli jumıslar alıp barılmaqta. Sol jumıslar sheńberinde Taqıyatas rayonındaǵı «Doslıq» MPJ aymaǵındaǵı suw basseyninde dem alıw orayınıń qurılıs jumısları baslap jiberilip, búgingi kúnde qızǵın alıp barılmaqta. Párman tiykarında investiciya kirgiziw shárti menen jer orın ajıratılıp, 1,7 gektar jer maydanında qurılıp atırǵan oray iske túskennen soń , 16 adamnıń bántligi támiyinleniwi rejelestirilgen. Bul bolsa puqaralardı jumıs penen támiyinlew hám isbilermenlikti rawajlandırıwǵa óziniń unamlı tásirin tiygizedi. Bul joybar nátiyjesinde rayon xalqı ásirese, balalar hám keliwshi miymanlarǵa suw basseyni jaǵasında qızıqlı hám qáwipsiz dem alıw ushın qolaylı imkaniyatlar jaratılıwı kútilmekte.

Qaraqalpaqstan xabar agentligi