Usı jıldıń 3-27-noyabr kúnleri Qatardıń Doxa qalasında ótkeriletuǵın jáhán chempionatına qızǵın tayarlıqlar kórip atırǵan Islambek Ismailov basshılıǵındaǵı futbol boyınsha Ózbekstan jas óspirimler saylandı komandası keshe CHili U-17 saylandı komandasına qarsı oyın ótkerdi.

Oǵada keskin ótken oyınnıń 35-minutında qaraqalpaqstanlı jas futbolshı Azizbek Erimbetov óziniń kúshli hám anıq soqqısı menen CHili dárwazasına gol urıwǵa miyasar boldı. Bunnan soń ushırasıwda esap ózgermesten qaldı.
13-iyun kúni saylandı komandamız aǵzaları chilili futbolshılar menen jáne bir márte oyın ótkeredi. Al, bunnan soń bolsa, 17-19-iyun kúnleri Boliviya mámleketiniń jas óspirimlerine qarsı oyınǵa túsedi.

Adilbay Orazov,
Qaraqalpaqstan xabar agentligi sholıwshısı