Usı kúnlerde mámleketimiz basshısınıń baslaması menen aymaqlarda jaslar ushın jer maydanları ajıratılıp, olardıń dáramat tabıwına keń imkaniyat berilip, bántligi támiyinlenbekte.

Atap aytqanda, Jaslar isleri agentligi hám bir qatar juwapker shólkemler menen birgelikte Prezidentimizdiń 2024-jıl 5-apreldegi “Jaslarǵa jer ajıratıw arqalı olardıń dáramatların arttırıw hám bántligin támiyinlew, sonday-aq, jańa jer maydanların ózlestiriw ilajları haqqında”ǵı qararınıń orınlanıwın támiyinlew maqsetinde barlıq wálayatlarda jaslar ushın arnawlı oqıw-seminarlar shólkemlestirildi.
Oqıw-seminarda aymaqlardan kelgen jaslar jetekshilerine awıl xojalıǵı bilimlerin arttırıwǵa, fermerlik sheberligin rawajlandırıwǵa hám zamanagóy usıllardı úyreniwge járdem beretuǵın jańa “Jas fermer” platforması menen islesiw boyınsha tiyisli kórsetpeler berildi.
Bul platforma arqalı olar qollanbalar hám oqıw videoları arqalı basqıshpa-basqısh awıl xojalıǵınıń teoriyalıq bilimlerin úyreniwi, tarawdaǵı eń sońǵı jańalıqlardan xabardar bolıwı, egin jetistiriw hám sharwashılıq boyınsha paydalı usınıslardı alıwı múmkin boladı.

Gulnoza BOBOEVA, ÓzAnıń xabarshısı