Ózbekstan sport tariyxında birinshi márte Tashkentte sport gimnastikası boyınsha «World Challenge Cup» xalıqaralıq jarısı ótkeriledi.

Xalıqaralıq gimnastika federaciyası kalendarınan orın alǵan bul abıraylı jarıs usı jıldıń 18-21-iyun kúnleri paytaxtımızdaǵı Gimnastika orayında bolıp ótedi.

Onda Armeniya, Bolgariya, Xorvatiya, Germaniya, Gonkong, Islandiya, Izrail, Qazaqstan, Litva, Qubla Afrika Respublikası, Qıtay Taypeyi, Túrkiya, Ukraina sıyaqlı mámleketlerdiń 65 jetekshi gimnastikashıları, atap aytqanda, jáhán hám kontinent chempionları, Olimpiada oyınlarınıń jeńimpazları sıylı orınlar ushın gúres alıp barıwı kútilmekte.

Jáhán kubogi basqıshı bolǵan bellesiwlerde Watanımızdıń abırayın gimnastikashı qızlarımızdan Oksana CHusovitina, Dildora Oripova, Shaxinabonu Yusupova, Odinaxon Robijonova, jigitlerden Humoyun Islomov, Alisher Boysarov, Ravshan Komiljonov, Ozotilla Abdurasulov, Ahrorxon Temirxonov, Abdulaziz Mirvaliev qorǵaytuǵını tastıyıqlandı.

Házirgi kúnlerde “Los-Andjeles-2028” Olimpiadası jolındaǵı «World Challenge Cup» jarısın joqarı dárejede shólkemlestiriw, elimizge keletuǵın sırt el delegaciyaların kútip alıw, zárúr sharayatlar jaratıw sıyaqlı máseleler boyınsha Ózbekstan Respublikası Sport ministrligi, Ózbekstan Gimnastika federaciyası hám tiyisli shólkemler tárepinen belgilengen jumıslar ámelge asırılmaqta.

T.RUZIEV, ÓzA xabarshısı