Nókis qalası orayındaǵı «Ǵárezsizlik» maydanında Ózbekstan Respublikası «Mámleketlik qáwipsizlik xızmeti kubogi» Qaraqalpaqstan Respublikalıq basqıshınıń ashılıw saltanatı bolıp ótti.

Onda Qaraqalpaqstan Respublikası Ministrler Keńesiniń Baslıǵı Farhod Ermanov shıǵıp sóylep, sońǵı jıllarda Ózbekstan Respublikası Prezidentiniń basshılıǵında elimizde sport hám ǵalabalıq denetárbiya tarawına qaratılıp atırǵan itibar, jaslardıń salamatlıǵın bekkemlew jolında alıp barılıp atırǵan reformalar haqqında aytıp ótti.
Atap aytqanda, sońǵı jılları elimizde sport obektleriniń qurılısı, zamanagóy inventarlar menen támiyinlew hám qábiletli sportshılardı qollap-quwatlaw baǵdarında úlken jetiskenliklerge erisilip atırǵanı ayrıqsha atap ótildi. Ilajda Ministrler Keńesiniń Baslıǵı F.Ermanov jarıs qatnasıwshılarına joqarı nátiyjeler kórsetiwin tilep, barlıq komandalarǵa áwmet tiledi.
Bunnan soń futbol hám mini futbol túrinen «Mámleketlik qáwipsizlik xızmeti kubogi»niń Qaraqalpaqstan Respublikası basqıshına shek taslaw máresimi bolıp ótti.
Ashılıw máresiminde elimizge belgili kórkem óner sheberleri tárepinen yoshlı koncert baǵdarlaması qoyıp berilip, bul keń jámiyetshilik, jaslar hám sport jankúyerleri ushın haqıyqıy bayramǵa aylanıp ketti.

Qaraqalpaqstan xabar agentligi