Ázerbayjan Respublikası Bas ministri Ali Asadov mámleketimiz Bas ministri Abdulla Aripov penen birgelikte Tashkent qalasındaǵı Geydar Alievtiń esteligin zıyarat etti.

Bul kompleks Ázerbayjan Prezidentiniń 2022-jıl iyun ayında mámleketimizge saparı waqtında ashılǵan. Prezidentimizdiń baslaması menen paytaxtımızdaǵı kóshege Geydar Alievtiń atı berilgeni hám onıń esteligine baǵıshlap estelik qurılǵanı dos ázerbayjan xalqına tereń húrmet-izzettiń ámeldegi kórinisi bolıp esaplanadı.
Ózbekstan basshısı bul oraydıń ashılıwında qatnasıp, marhum mámleketlik ǵayratker, Ázerbayjannıń ulıwma milliy jetekshisi mámleketlerimiz arasındaǵı doslıqtı, tuwısqan xalıqlarımızdıń tariyxıy baylanısların izbe-iz bekkemlewge úlken úles qosqanın ayrıqsha atap ótken edi. Óz gezeginde Ázerbayjan jetekshisi mámleket basshısı hám Ózbekstan xalqına Geydar Alievtiń jarqın esteligin qásterlep saqlawǵa qaratılıp atırǵan turaqlı itibar ushın minnetdarshılıq bildirgen edi.
Búgin de dástúrge muwapıq joqarı mártebeli miyman estelikke gúl qoyıp, ǵárezsiz Ázerbayjannıń tiykarın salıwshısı Geydar Alievtiń esteligine húrmet kórsetti.

ÓzA