Ǵárezsizlik monumenti mámleketimizdiń azatlıǵı hám turaqlılıǵı belgisi bolıp esaplanadı. Onda xalqımızdıń kóp ásirlik mámleketshilik tariyxı, ullı oyshıl hám jawınger ata-babalarımızdıń tulǵaları sáwlelengen. Esteliktiń eń joqarı bóliminde Xumo qusı súwretlengen.

Ózbekstan Respublikası Prezidenti Shavkat Mirziyoevtiń mirát etiwine bola rásmiy sapar menen elimizde bolıp turǵan Bolgariya Respublikası Prezidenti Rumen Radev “Jańa Ózbekstan” parkine bardı.
Joqarı mártebeli miymanǵa Ózbekstan Respublikası Bas ministri Abdulla Aripov joldaslıq etti. Bolgariya jetekshisi Ǵárezsizlik monumentine gúl qoydı.
Rumen Radev usı sawlatlı baǵdıń qurılıs tariyxı menen tanıstı. Monumentte sáwlelendirilgen ullı oyshıllar, qaharman sárkarda hám jáhángirler, jadid babalarımız haqqında aytıp berildi.
Delegaciya aǵzaları “Jańa Ózbekstan” kompleksiniń ideyalıq hám arxitekturalıq sheshimlerine itibar qarattı. Bul jerdegi baǵ – siyrek ushırasatuǵın terek hám gúller, amfiteatr, fontanlardıń úylesimligi atap ótildi.
Sapardıń tiykarǵı ilajları búgin, 10-iyun kúni bolıp ótedi.
Sapar baǵdarlamasına muwapıq, eki mámleket jetekshileriniń sóylesiwleri, rásmiy hám isbilermenlik ilajlarınıń ótkeriliwi, bir qatar eki tárepleme kelisimlerge qol qoyılıwı rejelestirilgen.
Bolgariya Prezidenti Rumen Radev IV Tashkent xalıqaralıq investiciya forumında da qatnasadı.

Behruz XUDOYBERDIEV,
Nosirjon Haydarov (súwret),
ÓzA