Qaraqalpaqstan Respublikası Xojeli rayonında jaylasqan Mizdakxan arxeologiyalıq kompleksinde Berdaq atındaǵı QMU dıń tariyx fakulteti tariyx bakalvr tálim baǵdarınıń 1-kurs studentleri arxeologiyalıq dala qazıw ámaliyatın ótemekte.
Bul jerde alıp barılıp atırılǵan jumıslar menen tanısıw maqsetinde fakultet dekanı S.Sulaymanov ámeliyat ornında bolıp, professor-oqıtıwshılar hám student-jaslar menen sáwbetlesti. Ámeliyatqa Arxeologiya kafedrasınıń oqıtıwshıları S.Sayipov, O.Qidirniyazov, F.Maxsetovlar bashılıq etpekte.
Dala ámeliyatındaǵı izertlew obekti Mizdakxannıń qubla máhállesindegi ónermentler orayı. Onda qubla máhálle tiykarınan Xorezmshaxlardıń IX, XI ,XII ásirlerge tiyisli mádeniy qatlamı qazıp úyrenilip atır. Dala qazıw ámeliyatında studentler oqıw dawamında úyrengen teoriyalıq bilimlerin ámeliyatta qollanbaqta.

Qaraqalpaqstan xabar agentligi