Tórtkúl rayonı hákimi I.Xudaybergenov rayondaǵı densawlıqtı saqlaw sisteması hám bilimlendiriw orınlarındaǵı jumıslardı jeke ózi úyreniw maqsetinde bir qatar mákemelerde boldı.

Rayonlıq medicina birlespesine barıp, aymaqlıq densawlıqtı saqlaw mákemelerinde xalıq ushın jaratılǵan sharayatlar, atap aytqanda, sanlastırılǵan xızmet kórsetiw sistemasında jaratılıp atırǵan qolaylıqlar menen jaqınnan tanıstı.
Rayonnıń 63-sanlı ulıwma bilim beriw mektebine ámelge asırılǵan saparı sheńberinde hákim jazǵı dem alıs dáwirinde jaslardıń bos waqtın mazmunlı shólkemlestiriw, olardı kitap oqıwǵa tartıw, mektep kitapxanasınıń jumısı hám usı baǵdarda alıp barılıp atırǵan shólkemlestiriw jumısları menen tanıstı,- dep maǵlıwmat beredi Tórtkúl rayonı hákimligi Málimleme xızmeti bólimi.
Bul wyreniw jas áwladtı ruwxıy jaqtan jetilistiriw, kitapqumarlıq mádeniyatın arttırıw, sanlı xızmetler arqalı medicina hám bilimlendiriw sistemasında nátiyjelilikti támiyinlewde úlken orın iyeleydi.
Tórtkúl rayonında xalıqtıń turmıs sapası hám jaslar tálim-tárbiyası baǵdarında alıp barılıp atırǵan jumıslar turaqlı itibar orayında ekeni jáne bir márte kórsetildi.

Qaraqalpaqstan xabar agentligi