Ózbekstan kásiplik awqamları Federaciyası Bas Keńesiniń 2024-jıl 21-dekabrdegi «Ózbekstan kásiplik awqamları Federaciyası tarawındaǵı kásiplik awqamları shólkemlerinde esabat-saylawlardı ótkeriw haqqında»ǵı qararı tiykarında, paytaxtımızdaǵı 22-sanlı Balalar muzıka hám kórkem óner mektebinde Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesiniń 2020-2025-jıllar dawamında alıp barǵan jumıslarınıń juwmaǵı hám aldaǵı wazıypaları boyınsha esabat-saylaw I konferenciyası bolıp ótti.

Konferenciyada 2020-2025-jıllar dawamında alıp barılǵan jumıslar haqqında Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi baslıǵı Muratbay Dawılbaevtıń málimlemesi tıńlandı.
Bunnan soń bólimshe tekseriw komissiyasınıń 2020-jıl dekabr ayınan 2025-jıl may ayına shekemgi bolǵan dáwirdegi esabatı tıńlandı.
Konferenciyada hár eki esabat qanaatlandırarlı dep tabıldı hám tastıyıqlandı.
Ánjumanda delegatlar tárepinen jabıq dawıs beriw jolı menen Muratbay Dawılbaev Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi baslıǵı etip qayta saylandı.
Bunnan soń birlesken komitettiń jańa quramı saylap alındı.
Konferenciya juwmaǵında Ózbekstan bilimlendiriw hám ilim xızmetkerleri kásiplik awqamı Respublikalıq shólkemine delegatlar saylandı.
Konferenciyaǵa Ózbekstan kásiplik awqamları Federaciyası Qaraqalpaqstan Keńesiniń baslıǵı U.Jalmenov qatnastı.

Qaraqalpaqstan xabar agentligi