Taw-kán sanaatı hám geologiya ministrliginde Qıtaydıń Shandun provinciyası vice-gubernatorı Con Syunczi basshılıǵındaǵı delegaciya hám “Shandong Gold Group” kompaniyasınıń wákilleri menen ushırasıw bolıp ótti.

Sóylesiwler waqtında geologiya, metallurgiya hám taw-kán sanaatı tarawlarındaǵı eki tárepleme birge islesiw máseleleri, Samarqandta shólkemlestirilgen Ózbekstan-Qıtay ekinshi aymaqlararalıq forumınıń nátiyjeleri hám perspektivalı investiciya joybarları dodalandı.
Ministrliktiń málimleme xızmetine bola, “Shandong Gold Group” – Qıtaydıń altın qazıp alıw hám qayta islew tarawlarında arnawlı jetekshi kompaniyalarınan biri bolıp, xalıqaralıq kólemde de jumıs islep kelmekte. Kompaniya túrli mámleketlerde rawajlanıw perspektivalı joqarı bolǵan joybarlardı ámelge asırmaqta.
Sonday-aq, Shandun provinciyası geologiya izlew hám mineral resurslardı ózlestiriw byurosı Qıtaydıń jer astı baylıqları tarawındaǵı jetekshi mámleketlik mákemelerinen biri esaplanadı. Ol jer astı resursların anıqlaw, bahalaw hám innovaciyalıq sheshimler tiykarında ózlestiriw baǵdarında úlken tájiriybege iye bolıp, xalıqaralıq birge islesiwge ayrıqsha itibar qaratadı.
Ushırasıw juwmaǵında Ózbekstan Respublikası Taw-kán sanaatı hám geologiya ministrligi, Shandun provinciyası geologiya izlew hám mineral resurslardı ózlestiriw byurosı hám “Shandong Gold Group” kompaniyası arasında birge islesiw haqqında kelisimge qol qoyıldı. Bul kelisim eki tárepleme qatnasıqlardı jańa basqıshqa alıp shıǵıwı, birgeliktegi investiciya joybarların ámelge asırıwǵa xızmet etiwi kútilmekte.

N.Ziyodullaeva, ÓzA