Turizm komitetiniń málim etiwinshe, 6-8-iyun kúnleri Qurban hayıtı bayramı múnásibeti menen aymaqlarda jumıs alıp barıp atırǵan kóplegen miymanxanalar xızmet ushın 20 procentke shekem shegirmeler járiyalaǵan. Sonı ayrıqsha atap ótiw kerek, bul shegirmeler ıqtıyarlı.

Sonday-aq, “Vaqf” qayırqomlıq jámiyetlik fondına qaraslı tólemli zıyarat orınları da shegirmeler beriwdi rejelestirgen. Atap aytqanda, Qurban hayıtı bayramı kúnleri mayıplıǵı bar, jası úlken hám jas balalar ushın zıyarat etiw orınlarına kiriw biypul etip belgilendi.
Bul shegirmeler xalıqtıń qızıqlı dem alıwı ushın sharayat jaratıw hám ishki turizmge sayaxatshılardı tartıw maqsetinde engizilmekte.

Qaraqalpaqstan xabar agentligi