Balalar – ómirimizdiń mazmunı, kózlerimizdiń quwanıshı. Olardıń júzindegi kúlki, kózlerindegi pák názer hám quwanısh ushın hár bir ata-ana dúnyanı beriwge tayar.

“1-iyun – Xalıqaralıq balalardı qorǵaw kúni” aldınan Bajıxana basqarması tárepinen de xızmetkerlerdiń perzentleri ushın bayram ilajı shólkemlestirildi.
Ilaj sheńberinde Qaraqalpaq mámleketlik jas tamashagóyler teatrınıń dóretiwshileri tárepinen spektakl tamashası, multfilm qaharmanlarınıń muzıkalı shıǵıwları, xızmet iytleriniń qatnasıwında kórgizbeli shınıǵıwlar, sonday-aq, shaxmat, shashka, stol tennisi sport túrleri boyınsha jarıslar shólkemlestirildi.
Kewilashar baǵdarlamalar balalar ayaq oyını hám hár qıylı oyınlarǵa ulasıp ketti.

Qaraqalpaqstan xabar agentligi.