Nókis rayonı Ruwxıy-aǵartıwshılıq sarayında 1-iyun-«Xalıqaralıq balalardı qorǵaw kúni» múnásibeti menen bayram ilajı bolıp ótti.

Ilajǵa rayon hákimi Z.Zaytov hám rayon jámiyetshiligi wákilleri qatnastı. Onda rayon hákimi sózge shıǵıp, balalardı bayram menen qutlıqlap, olarǵa elimizdiń keleshegi ushın xızmet etetuǵın múnásip perzentler bolıp jetisiwi ushın jaqsı tileklerdi bildirdi.
Ilaj dawamında bir qatar sport jarısları ótkerilip, usı jarısta jeńimpaz bolǵan balalardı hám belsendi mektep hám mektepke shekemgi bilimlendiriw shólkemi basshılarına rayon hákimligi tárepinen tayarlanǵan bayram sawǵaları tapsırıldı.
Bayram ilajı rayonlıq mektepke shekemgi bilimlendiriw shólkemleri tárbiyalanıwshılarınıń koncert baǵdarlamaları menen dawam etti.

Qaraqalpaqstan xabar agentligi