Ámiwdárya rayonı hákimliginde rayon hákimi S.Xwjametov tárepinen puqaralardıń múrájatları boyınsha qabıllaw ótkerildi. Bul ashıqtan-ashıq sóylesiwde rayon hákiminiń orınbasarları, tiyisli bólim hám shólkem basshıları, jergilikli kárxanalardıń wákilleri hám puqaralar qatnastı, – dep maǵlıwmat beredi rayon hákimliginiń Málimleme xızmeti bólimi.

Qabıllaw dawamında puqaralar tárepinen túrli sociallıq hám ekonomikalıq mashqalalar boyınsha múrájatlar bildirildi. Sonıń ishinde, materiallıq járdem soraw, jumıs penen támiyinlew, turaq jaylardı ońlawda ámeliy járdem kórsetiw sıyaqlı máseleler kóterildi.
Múrájatlardıń kópshiligine ornında unamlı sheshim tabıldı. Qalǵan máseleler boyınsha bolsa tallaw hám úyreniw jumıslarınıń alıp barılıwı, bar mashqalalardıń hár tárepleme kórip shıǵılıwı hám belgilengen múddetlerde ámeliy ilajlar kóriliwi ushın tiyisli juwapkerlerge tapsırmalar berildi.
Múrájatlardı sheshiwde ashıq-aydınlıq hám operativlik principlerine ámel etiw zárúr. Sonday-aq, bunday ushırasıwlar puqaralar menen tikkeley sóylesiw ornatıw hám olardıń talapların tıńlawda áhmiyetli qural ekenin atap ótti.

Qaraqalpaqstan xabar agentligi