Tashkentte «Oraylıq Aziya-2050: ulıwma abadanlıq hám turaqlılıqqa qaray» atamasında birinshi regionallıq forsayt-seminarı baslandı.

Ánjuman Strategiyalıq reformalar agentliginiń baslaması menen Ózbekstan Respublikası Prezidenti janındaǵı Strategiyalıq hám regionlararalıq izertlewler institutı, Oraylıq Aziya xalıqaralıq institutı, Qazaqstan Respublikası Strategiyalıq rejelestiriw hám reformalar agentligi menen birgelikte, Evropa Awqamınıń elimizdegi delegaciyasınıń járdeminde shólkemlestirilgen.
Ilaj qatnasıwshıları 2050-jılǵa shekem demografiya, energetika, klimat, suw, transport integraciyası hám insan kapitalı baǵdarlarındaǵı boljawlar boyınsha pikir alısadı. Sonıń menen birge, region mámleketleri arasında sanaat kooperaciyası, ekonomikalıq jaqtan bir-birin tolıqtırıp turıw máselelerine ayrıqsha itibar qaratıladı.
Birinshi márte ótkerilip atırǵan regionallıq forsayt-seminar birgeliktegi strategiyalardı islep shıǵıw, Oraylıq Aziya mámleketleri arasındaǵı uzaq múddetli qarım-qatnastı bekkemlew jolında áhmiyetli qádem bolıp esaplanadı.
Dodalaw, pikir talaslardıń juwmaǵı, islep shıǵılǵan ideyalar, alǵa qoyılǵan baslamalar mámleket basshılarınıń bolajaq Másláhát ushırasıwınıń kún tártibin qáliplestiriwge úles qosadı. Sonday-aq, rawajlanıw, innovaciya hám regionallıq integraciya tarawında turaqlı birge islesiw ushın tiykar jaratadı.

Musulmon Ziyo, Doniyor Yoqubov (video), ÓzA