Derlik bir ay dawamında Jaslar isleri agentligi, Joqarı bilimlendiriw ministrligi hám basqa da shólkemler menen birgelikte ótkerilgen festival sheńberinde respublika boylap tańlawlar, sport hám intellektuallıq oyınlar, debatlar, konferenciyalar, kórgizbeler shólkemlestirildi. Olarda jámi 1,5 millionǵa shamalas student-jaslar qatnastı.

“Talaba Expo – 2025” kórgizbesi, 700 shólkemniń qatnasıwında miynet yarmarkaları, sheberlik sabaqları hám tabıslı pitkeriwshiler menen ushırasıwlar ótkerildi. 5 mıń student jumısqa baǵdarlandı, 924 studenttiń biznes-joybarı kredit penen qollap-quwatlandı.
Sonday-aq, “Abiturientler kúni,” “Studentler kúni”nde qábiletli jaslardıń qatnasıwında startap tańlawı, kreativ shou hám motivaciyalıq ushırasıwlar shólkemlestirildi.
Festival juwmaǵında 600 mıńǵa shamalas qatnasıwshı menen gala-koncertler bolıp ótti.

Qaraqalpaqstan xabar agentligi