Ayırım jaǵdaylarda qaytıs bolǵan shaxstıń salıqtan qarızdarlıǵı boyınsha xabarnama onıń perzentlerine yaki miyrasxorlarına jiberiliwi múmkin.

Tiyisli nızamshılıqqa muwapıq, puqara qaytıs bolǵannan soń, onıń múlki, sonıń ishinde, salıq minnetlemeleri de miyras quramına kiredi. Eger perzentler yaki basqa miyrasxorlar miyrastı qabıl etken bolsa, onda marhumnıń qarızları – sonıń ishinde, ayırım salıqlar boyınsha qarızdarlıǵı – olar tárepinen tóleniwi kerek boladı.
Usı múnásibet penen salıq uyımları miyras qabıl etken shaxslarǵa rásmiy xabarnama jiberiw huqıqına iye. Onda qarızdarlıq summası, tólew tártibi hám múddetleri kórsetiledi.
Salıq eksperti – Dildora Hoshimova bul boyınsha tolıq maǵlıwmat berdi.

ÓzA