Sırt mámleketlerden elimizge nızamsız tovarlar kirip keliwiniń aldın alıw arqalı jasırın ekonomikanıń úlesin keskin azaytıw, bajıxana tólemleriniń stavkası tómen etip belgilengen tovarlar nıqabı astında joqarı stavkalı tovarlardıń alıp kiriliwine shek qoyıw hám xalıqtıń densawlıǵı ushın qáwipli tovarlardıń erkin aylanısın sheklew maqsetinde bir qatar ilajlar ámelge asırılmaqta.

Onda tovarlardı nátiyjeli bajıxana qadaǵalawı, atap aytqanda, bajıxana tekseriwinen ótkeriw arqalı ashıq-aydınlıqtı támiyinlewdiń áhmiyeti joqarı bolıp esaplanadı.

Ashıq-aydınlıq tiykarında ekonomikalıq qáwipsizlikti támiyinlew ilajları sheńberinde Qaraqalpaqstan Respublikası Bajıxana basqarması baslıǵınıń orınbasarı O.Maxmadaliev Nókis qalasındaǵı bajıxana qoymaxanalarınıń birinde bajıxana tekseriwi processlerinde qatnastı.
Isbilermenlik subektleri hám bajıxana postı xızmetkerleri menen tovarlardı bajıxana tekseriwinen ótkeriwdiń ózine tán ózgeshelikleri, bul processlerde ayrıqsha itibar qaratıw zárúr bolǵan tárepler boyınsha usınıslar berildi.
Mámleketimizde jumıs alıp barıp atırǵan isbilermenlik subektleriniń biriniń atına Germaniya mámleketinen alıp kelingen 12,3 tonnalıq “shawqımnan qorǵawshı chexol” tovarları bajıxana tekseriwinen ótkeriliwi dawamında júktiń hújjetleri, muǵdarı hám sapası, kelip shıǵıw sertifikatı hám tovardıń TIF TN kodı ámeldegi nızam hújjetleriniń talaplarına muwapıqlıǵı qadaǵalandı.

Qaraqalpaqstan xabar agentligi