Aldın xabar berilgenindey, orınlarda kásiplik awqamları shólkemleriniń sońǵı bes jıl dawamında ámelge asırǵan jumıslarınıń esabat-saylaw konferenciyaları, aldaǵı wazıypalardı belgilew baǵdarındaǵı májilisleri dawam etpekte.
Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken shólkeminiń II Konferenciyası bolıp ótti.

Konferenciyada Ózbekstan mádeniyat, sport hám turizm xızmetkerleri kásiplik awqamı Respublikalıq keńesiniń shólkemlestiriw isleri boyınsha bas qánigesi J.Aripov, Ózbekstan kásiplik awqamları Federaciyası Qaraqalpaqstan Keńesiniń baslıǵı U.Jalmenov hám basqalar qatnastı.
Konferenciyada 2020-jıl dekabr ayınan 2025-jıl may ayına shekemgi dáwirdegi jumısları boyınsha Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komitetiniń baslıǵı Jeńisbay Ayapovtıń málimlemesi tıńlandı.
Bunnan soń birlesken komitettiń tekseriw komissiyasınıń 2020-jıl dekabr ayınan 2025-jıl may ayına shekemgi bolǵan dáwirdegi esabatı tıńlandı.
Konferenciyada hár eki esabat “qanaatlandırarlı” dep tabıldı hám tastıyıqlandı.
Ashıq dawıs beriw jolı menen Jeńisbay Ayapov Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komitetiniń baslıǵı etip qayta saylandı.
Bunnan soń birlesken komitettiń jańa quramı saylap alındı.
Konferenciya juwmaǵında Ózbekstan kásiplik awqamları Federaciyası Qaraqalpaqstan Keńesiniń baslıǵı U.Jalmenov hám Ózbekstan mádeniyat, sport hám turizm xızmetkerleri kásiplik awqamı Respublikalıq keńesiniń shólkemlestiriw isleri boyınsha bas qánigesi J.Aripovlar delegatlarǵa Ózbekstanda kásiplik awqam háreketiniń 120 jıllıǵı aldınan ámelge asırılıp atırǵan xalıqaralıq ilajlar hám Ózbekstan kásiplik awqamları Federaciyasınıń basıp ótken tariyxıy jolı hám jumısı haqqında maǵlıwmat berdi. Pikir-usınıslar bildirilip, aldaǵı wazıypalar kelisip alındı.

Qaraqalpaqstan xabar agentligi