BMShtıń Azıq-awqat hám awıl xojalıǵı shólkeminiń maǵlıwmatına bola, bıyılǵı kúshli qurǵaqshılıq Siriya biydayınıń derlik 75 procentin joq etiwi, millionlaǵan adamlardıń qáwipsizligine qáwip salıwı múmkin eken.

Shólkemniń usı mámlekettegi wákili Toni Ettel «Reuters» agentligine aytıwınsha, usı jılı 2,7 million tonna biyday jetispewshiligi kútilmekte. Bul muǵdar 16,3 million adamdı bir jıl dawamında azıqlandırıwǵa jetedi.
– Júdá kóp diyqan qurǵaqshılıq sebepli zúráátinen ayırıldı, – deydi xızmetker. – Xalab arqasında awıl xojalıǵı suwsızlıqtan sezilerli dárejede zıyan kórdi. Jawın-shashın joq. Suwǵarıw texnologiyası hám infrastrukturanı jańalawǵa bolsa qarjı joq, degen Ettel.

Qaraqalpaqstan xabar agentligi