22-may kúni 16 jastaǵı qızlar arasında futbol boyınsha Qaraqalpaqstan chempionatı bolıp ótti.

Jarısqa Nókis qalası hám rayonlardan jámi 6 komanda qatnastı. Qızǵın bellesiwlerge bay bolǵan oyınlar juwmaǵında, barlıq qarsılasların jeńip shıǵıwǵa miyasar bolǵan Xojeli rayonı sport mektebi komandası Qaraqalpaqstan chempionı ataǵın jeńip alıwǵa eristi.
Al, chempionattıń gúmis hám qola medallları bolsa, Nókis hám Qanlıkól rayonları sport mektepleri tárbiyalanıwshılarına nesip etti.
CHempionat sońında jeńimpaz komandalar shólkemlestiriwshiler tárepinen tayarlanǵan arnawlı kubok, diplom hám medallar menen sıylıqlandı.

Adilbay Orazov,
Qaraqalpaqstan xabar agentligi sholıwshısı.