Qıtaydıń CHjeczyan provinciyası mámlekettiń shıǵısında jaylasqan bay aymaq esaplanadı. Bul jerde awıl xojalıǵı hám sanaat keń rawajlanǵan. Keyingi jılları provinciya isbilermenleri tárepinen Ózbekstanǵa bir neshe saparlar ámelge asırılıp, ekonomikalıq baylanıslardı keńeytiw baǵdarında da bir qatar ámeliy jumıslar alıp barılmaqta.

«Ózekspooray» pavilonlarında 21-23-may kúnleri bolıp ótip atırǵan CHjeczyan kórgizbesinen maqset áne, usı baylanıslardı jáne de keńeytiw hám jańa basqıshqa alıp shıǵıwdan ibarat. Onda Qıtaydıń eń iri kompaniya hám brendleriniń xalıq xojalıǵınıń túrli tarmaqlarına baylanıslı stendleri orın alǵan. Elektrotexnika úskeneleri, sanaat, toqımashılıq, turmıslıq texnikalar, azıq-awqat, aǵash buyımları hám kúndelikli turmıslıq úskenelerdiń keń assortimenti kórsetilmekte.
Áhmiyetlisi kompaniyalardıń kópshiligi birinshi márte Ózbekstan bazarına óz ónimlerin usınıs etpekte. Bul bolsa elimizdiń isbilermen topar wákilleri ushın islep shıǵarıwshılardan tikkeley tovarlardı satıp alıw, elimizge investorlardı tartıw, sawda sheriklerin tabıw baǵdarında jáne bir imkaniyat bolıp esaplanadı.
Kórgizbe sheńberinde iri Qıtay kompaniyaları wákilleriniń qatnasıwında prezentaciyalar, V2V formatındaǵı ushırasıwlar, shártnamalarǵa qol qoyıw máresimleri bolıp ótedi.

Sanjar Toshpwlatov, Abror Sodiqov, Anvar Ahmedov (video), ÓzA