Futbol boyınsha Ózbekstan milliy saylandı komandası 2026-jılǵı Jáhán chempionatı saylap alıwınıń 3-basqıshı «A» toparında qatnaspaqta.

Toparımızda Iran 20 ochko menen birinshi orında hám Jáhán chempionatına jollamanı qolǵa kirgizip boldı. Jerleslerimiz 17 ochko menen ekinshi orında. Úshinshi orınǵa 13 ochko menen Birlesken Arab Ámirlikleri saylandı komandası jaylasqan. Keyingi orında Qatar. Sońǵı Jáhán chempionatı iyelerinde 10 ochko bar.
Ózbekstannıń saylap alıw sheńberinde jáne eki oyını qaldı: 5-iyun kúni BAÁ menen saparda, 10-iyun kúni bolsa Qatar menen óz maydanında. Komandamız Jáhán chempionatına shıǵıwı ushın BAÁ menen keminde teńbe-teń oynawı yamasa Qatardı jeńiwi jeterli boladı.
Eki áhmiyetli oyın aldınan Milliy saylandı komandamız bas treneri Temur Kapadze xabarshımızdıń sorawlarına juwap berdi. Bolajaq oyınlarǵa tayarlıq processleri, futbolshılarımızdıń ruwxıy hám fizikalıq jaǵdayı, qarsılaslardıń oyın usılı hám basqa da temalar haqqında tolıq óz pikirleri menen ortaqlastı.
Tolıq sáwbetti ÓzAnıń YouTube tarmaǵında kóriwińiz múmkin.

Qaraqalpaqstan xabar agentligi