Úrgenish mámleketlik universitetinde «Studentler Ligası» sport jarıslarınıń milliy gúres boyınsha respublikalıq final basqıshı bolıp ótti.
Jarısqa mámleketimizdiń barlıq aymaqlarında jaylasqan joqarı orınlarınıń studentleri qatnasıp, onda respublikamız jasları bir neshe sıylı orınlardı iyelewge miyasar boldı.
Atap aytqanda, erler arasında 60 kg salmaqta Sherdarbek Amanov barlıq qarsılasların jeńip shıǵıp, altın medaldı qolǵa kirgizgen bolsa, Arıslanbek Muradov qola medalına eristi.
Al, qızlar arasında bolsa, 87 kg hám +87 kg salmaqta qatnasqan palwanlarımızdan Maxbuba Ubaydullaeva hám Tumaris Xabipovalarǵa teń keletuǵın qarsılas tabılmadı hám olar bul jarıs jeńimpazına aylandı.
70 hám 78 kg salmaq kategoriyalarında qurǵa túsken Dildara Qutıbaeva hám Nazbiybi Dúysenbaevalarǵa qola medalı nesip etti.
Solay etip, jarıs juwmaǵında qaraqalpaqstanlı palwanlar 3 altın hám 3 qola medalın iyelewge eristi.
Adilbay Orazov,
Qaraqalpaqstan xabar agentligi sholıwshısı.