Evropa kurash konfederaciyası, Franciya kurash federaciyası hám Ózbekstan kurash federaciyaları menen birgelikte usı jıldıń 21-23-iyul kúnleri Franciya paytaxtı Parij qalasında kurash boyınsha Ózbekstan Respublikası Prezidenti sıylıǵı ushın xalıqaralıq turnir bolıp ótedi.
– Ótken jılı jazǵı Olimpiada oyınlarına basshılıq etken Parij bul ret kurash boyınsha dúnyanıń eń kúshli sportshıların jámleydi. Abıraylı turnirdi joqarı dárejede shólkemlestiriw baǵdarında keń kólemli jumıslar alıp barılmaqta. Turnir dawamında Parij qalasında Ózbekstan mádeniyatın úgit-násiyatlaytuǵın kewilashar mádeniy ilajlar ótkeriliwi rejelestirilgen, – deydi Ózbekstan kurash federaciyası baslıǵınıń orınbasarı Uyǵun Umarov.
Mámleketimiz basshısı tárepinen qol qoyılǵan «Kurash milliy sport túrin rawajlandırıw hám onıń xalıqaralıq abırayın bunnan bılay da arttırıw ilajları haqqında»ǵı qarardıń orınlanıwın támiyinlew maqsetinde dástúriy tárizde ótkerilip kiyatırǵan bul ashıq xalıqaralıq turnirde er adamlar -90, +90 kg, hayal-qızlar -70, +70 kg salmaq kategoriyalarında jeńimpazlıq ushın gúres alıp baradı. Xalıqaralıq turnir Parij qalasındaǵı «Emil Anthoine Stadium» sport kompleksinde bolıp ótedi.
Xalıqaralıq turnirdiń sıylıq qorı 30 mıń evrodan ibarat bolıp, palwanlardıń erisken nátiyjeleri Xalıqaralıq kurash associaciyası reyting sistemasında atap ótiledi.
T.Rwziev, ÓzA