Oraylıq Aziyada birinshi márte Ózbekstanda ótkerilip atırǵan “M360 GSMA Eurasia” 2025 forumı sheńberinde Baylanıs tarawındaǵı aymaqlıq doslıq awqamına (ASHH) aǵza mámleketlerdiń baylanıs administarciyaları basshıları Keńesiniń 63-májilisi hám ǴMDAǵa aǵza mámleketlerdiń Málimlemelestiriw boyınsha muwapıqlastırıwshı keńesiniń 31-májilisi ótkerilmekte.

Májiliske sanlı texnologiyalar ministri Sherzod Shermatov basshılıq etpekte.
Ilajda mámleketimiz hám Belarus, Qazaqstan, Tájikstan, Túrkmenstan, Qırǵızstan Respublikaları, Rossiya Federaciyası baylanıs hákimshilikleri basshılarınıń wákilleri qatnaspaqta. Sonıń menen birge Awǵanstan delegaciyası baqlawshı sıpatında qatnaspaqta.
2022-jılı birinshi márte Baylanıs tarawındaǵı regionallıq doslıq awqamına aǵza mámleketlerdiń Baylanıs hákimshilikleri basshıları keńesiniń baslıǵı etip saylanǵan sanlı texnologiyalar ministri Sherzod Shermatov bul ilaj sheńberinde jáne 3 jılǵa usı lawazımǵa qayta saylandı.
Ilaj sheńberinde regionallıq sanlı integraciya, telekommunikaciya infrastrukturasın keńnen rawajlandırıw, málimleme qáwipsizligin támiyinlew, sonday-aq, jasalma joldas texnologiyalarına tiykarlanǵan baylanıs sistemaların jáne de keńeytiw sıyaqlı eń áhmiyetli máseleler hár tárepleme dodalanbaqta.

N.Rahmanova, ÓzA