Paytaxtımızda Gruziya Sawda-sanaat palatası prezidenti Georgiy Pertaya basshılıǵındaǵı delegaciya saparı sheńberinde Ózbekstan-Gruziya biznes forumı hám isbilermenler keńesiniń májilisi ótkerildi.

Ilajda eki úlke rásmiyleri, isbilermen toparınıń wákilleri hám 100 ge shamalas gruzin kompaniyalarınıń juwapkerleri qatnastı.
Mámleketlerimiz arasında isbilermenlik qatnasıqların jáne de rawajlandırıw, óz-ara tovar almasıw hám birgeliktegi kárxanalar sanın arttırıw maqsetinde ótkerilgen forum sheńberinde «V2V» formattaǵı ushırasıwlar da shólkemlestirildi.
Onda 100 ge shamalas logistika, awıl xojalıǵı, medicina, azıq-awqat, toqımashılıq sanaatı, turizm, kótere sawda hám basqa tarawlarda jumıs islep atırǵan Gruziya isbilermen toparınıń wákilleri qatnastı.
Maǵlıwmat ornında, búgingi kúnde Ózbekstanda 60 gruzin kárxanaları jumıs islemekte. Solardan 31 i birgeliktegi kárxana, 29 ı bolsa 100 procent gruzin kapitalı tiykarında shólkemlestirilgen.

Muharrama Pirmatova, ÓzA