Ózbekstanda 1-iyulden baslap shaxstı tastıyıqlawshı hújjetlerdiń elektron túri rásmiy túrde yuridikalıq kúshke iye boladı. Bul arqalı puqaralar endi qay jerge barsa da, original pasport yamasa aydawshılıq gúwalıǵın alıp júriwine zárúrlik qalmaydı.

Jańa tártipke bola, my.gov.uz birden-bir portalındaǵı jeke elektron hújjetler bank, notarius, aeroport, vokzal hám usıǵan uqsas shólkemlerde rásmiy qabıl etiledi.

Bul qarar mámleketlik xızmetlerden paydalanıwdı jeńilletiw, artıqsha qaǵazpazlıqtı qısqartıw hám sanlı transformaciyanı jedellestiriw maqsetinde engizilmekte.

Juwapkerlerdiń atap ótiwinshe, puqaralar my.gov.uz portalında jeke kabinetine kirip, pasportı yamasa aydawshılıq gúwalıǵın elektron tárizde qáliplestiriwi hám zárúr waqıtta usınıwı múmkin. Bul process paydalanıwshı ushın biypul hám qolaylı túrde shólkemlestirilgen.

ÓzA