Tashkentte bolıp ótken Xalıqaralıq energetika forumı sheńberinde Ózbekstan, Qazaqstan hám Qırǵızstan energetika hám suw resursları tarawları ministrleriniń ushırasıwı bolıp ótti.

Sóylesiwde Sırdárya basseyninde suw hám energetika resursların basqarıw boyınsha kelesi vegetaciya dáwirine mólsherlengen birge islesiw ilajları dodalandı.
Sóylesiw juwmaǵında gidroenergetika obektleriniń jumıs islew tártibi, turmıslıq suwdı bólistiriw kólemi hám regiondaǵı suw resurslarınan turaqlı paydalanıw boyınsha kelisilgen ilajlar sáwlelengen rásmiy protokolǵa qol qoyıldı. Tárepler bunday kelisimler ózgeriwsheń gidrologiyalıq sharayatta, suw hám energiyaǵa talap artıp baratırǵan bir waqıtta ayrıqsha turmıslıq áhmiyetke iye ekenin tastıyıqladı.
Ushırasıwda Qambarata GES-1 qurılısı boyınsha másláhátlesiw jaǵdayı da tallandı. Bul baslama Oraylıq Aziyada turaqlı suw-energetika balansın támiyinlewdiń áhmiyetli faktorı sıpatında tán alınǵan. Úsh tuwısqan mámleket bul joybardı jumıs tártibinde dodalamaqta.
Bunnan tısqarı, forum qatnasıwshıları regiondaǵı energiya jetkerip beriw jolların diversifikaciyalaw arqalı eksport potencialın keńeytiwge qaratılǵan Ózbekstan, Qazaqstan hám Ázerbayjan tárepinen birgelikte islep shıǵılıp atırǵan Kaspiy energetika koridorın rawajlandırıwǵa qızıǵıwshılıq joqarılıǵın da maqulladı.

M.Sayfullaev, ÓzA