Prezident Shavkat Mirziyoevtiń basshılıǵında mektep bilimlendiriwi boyınsha videoselektor májilisi dawam etpekte.

Usı jılı jańa mektepler qurıw ushın Islam rawajlanıw bankinen 200 million dollar tartıldı. Onıń esabınan 58 mektep qurılıp, 72 mıń oqıwshı ornı jaratıladı.
Oǵan qosımsha túrde wálayat hákimlerine usı jılı xalıqaralıq qarjı shólkemleri menen islesip, Birlesken Arab Ámirlikleri, Saudiya Arabstanı, Qatar, Qubla Koreya sıyaqlı mámleketlerden investorlar alıp kelip, jergilikli isbilermenlerge sharayat jaratıp, mektep qurılısına 10 million dollardan qarjı tartıw boyınsha tapsırma berildi.
Mekteplerdiń quwatlılıǵın arttırıwdıń qolaylı jollarınan biri jeke menshik sheriklik ekeni atap ótildi.
Sol sebepli mektepler hám baqshalar ushın jeke menshik sheriklik joybarlarınıń daǵazada turıw múddeti 45 kúnnen 30 kúnge qısqartıladı.
Juwapkerlerge bıyıl mektep bilimlendiriwinde keminde 100 usınday joybardı baslaw tapsırıldı.

ÓzA