Nókis rayonında «Bes baslama olimpiadası» sheńberinde «Mámleketlik qáwipsizlik xızmeti kubogi» oyınlarına aprel ayında start berilgen edi.

Bul sport jarısı futbol hám kishi futbol, shaxmat túrleri boyınsha ótkerildi, jarısqa 500den aslam aymaq jasları qatnastı hám jarıs juwmaǵında jeńimpazlar anıqlandı.
14-may kúni rayon orayındaǵı Edige baǵında jeńimpazlardı sıylıqlaw máresimi bolıp ótti.
Sıylıqlaw máresimine Mámleketlik qáwipsizlik xızmeti rayonlıq bólimi baslıǵı I.Qalandarov, rayon prokurorı P.Xalmuratov, Ishki isler bólimi baslıǵı S.Qallibekov hám taraw basshıları qatnastı.
Keshede shıǵıp sóylewshiler tárepinen sońǵı jılları Prezidentimizdiń basshılıǵında elimizde sport tarawın rawajlandırıwǵa qaratılıp atırǵan itibar, jaslarımızdıń xalıqaralıq jarıslarda qolǵa kirgizip atırǵan tabısları haqqında keń túrde aytıp ótip, jarıs jeńimpazların qolǵa kirgizgen jeńisi menen qutlıqladı hám aldaǵı waqıtları da bunnan da úlken tabıslardı qolǵa kirgiziwine tilekleslik bildirdi.
Bunnan soń jaslar ushın elimizge belgili estrada juldızlarınıń qatnasıwında gala koncert shólkemlestirilip, onda atqarılǵan qosıq hám ayaq-oyınlar keshege ózgeshe zawıq baǵıshladı.

Adilbay Orazov,
Qaraqalpaqstan xabar agentligi sholıwshısı.