Beruniy rayonı “Insan” sociallıq xızmetler orayınıń direktorı F.Primov usı rayondaǵı Jayxun hám Nawayı mákan puqaralar jıyını turǵınları menen ushırastı, – dep maǵlıwmat beredi rayon hákimligi Málimleme xızmeti bólimi baslıǵı A.Urazova.

Bul ushırasıwdıń tiykarǵı maqseti – puqaralardıń sociallıq xızmetler tarawındaǵı múrájatların tıńlaw hám olardı nátiyjeli hám óz waqtında sheshiw edi.
Ushırasıwda Sociallıq xızmetler orayınıń direktorı F.Primov, xalıqtıń túrli tarawlardaǵı, atap aytqanda, mayıplıǵı bolǵan shaxslar, pensionerler, kem támiyinlengen shańaraqlar hám basqa da sociallıq qorǵawǵa mútáj qatlamlarǵa baylanıslı múrájatların tıńladı. Sonday-aq, xalıq tárepinen alǵa qoyılǵan mashqalalardı sheshiw jolları hám sociallıq xızmetler kórsetiw sistemasın jetilistiriw boyınsha da pikir alısıldı.
Sociallıq xızmetler orayı tárepinen múrájatlardı tez hám nátiyjeli túrde kórip shıǵıw hám olardıń sheshiliwinde xalıqtıń belsendiligin arttırıwǵa qaratılǵan ilajlar belgilendi.

Qaraqalpaqstan xabar agentligi