Mámleketimizdiń sociallıq-ekonomikalıq turmısınıń barlıq tarawlarına baylanıslı nızamshılıq, belgilengen tártipler jıldan-jılǵa jetilistirilmekte.

Bunnan gózlengen tiykarǵı maqset jámiyettegi processlerdi dáwir talabına beyimlestiriw, ekonomikalıq rawajlanıwǵa erisiw, xalıq hám isbilermenlerge qolaylıqlar jaratıwdan ibarat.
Ózbekstan Respublikası Prezidentiniń usı jıl 21-apreldegi “2025-jıl ushın menshiklestiriw baǵdarlaması haqqında”ǵı pármanı da elimizde menshiklestiriw, mámleketlik múlkti ijaraǵa alıw baǵdarındaǵı jumıslardı bunnan bılay da joqarı basqıshqa kóteriwge xızmet etedi.
Altı bólim 21 bántten ibarat bul pármanǵa bola, mámlekettiń ekonomikadaǵı qatnasın azaytıw, menshiklestiriw hám mámleketlik múlkti ijaraǵa alıwdaǵı jeńilliklerdi keńeytiw, isbilermenler ushın jáne de qolaylıqlar jaratıw maqsetinde bir qatar jańa tártipler engizilgen.
Atap aytqanda, pármanǵa bola, Ózbekstan Respublikası Ministrler Kabinetiniń 2023-jıl 31-avgusttaǵı “Sırtqı reklama hám sociallıq málimlemeniń aylanısı tarawındaǵı qatnasıqlardı tártipke salıwdı bunnan bılay da jetilistiriw ilajları haqqında”ǵı qararında belgilengen wazıypalardıń orınlanıwın támiyinlew sheńberinde endi sırtqı reklama hám málimleme obektleri (konstrukciyaları) onlayn túrde avtomatlastırılǵan sistemada aukcion sawdalarına shıǵarıladı. Bul arqalı artıqsha áweregershiliklerdiń aldı alınadı, insan faktorınıń aralasıwısız aukcion sawdalarınıń ótkeriliwi támiyinlenedi.

ÓzA