Búgingi kúnde “Hududgaz Qaraqalpaqstan” gaz támiynatı filialı tárepinen jeke xojalıqlardı suyılttırılǵan gaz benen támiyinlew boyınsha ilajlar nátiyjeli ámelge asırılmaqta.

Kegeyli rayonı boyınsha tábiyǵıy gaz jetip barmaǵan awıllıq jerlerdegi suyılttırılǵan gazge beyimlestirilgen 1865 xojalıqqa da bir qálipte suyıltırılǵan gaz jetkerip berilmekte.
Xalıqqa suyılttırılǵan gaz jetkerip beriwde, jámi 4828 aylanba turmıslıq gaz ballonları paydalanılmaqta.
– 2024-jıl ushın xalıqqa suyılttırılǵan gaz jetkerip beriw rejesi 357,8 tonnanı qurap, ámelde 364,5 (102 procent) tonna jetkerip berildi,-deydi Kegeyli rayonlık gaz tamiynatı filialı suyılttırılgan gaz xızmetiniń baslıǵı V.Bekniyazov.
Rayondaǵı suyılttırılǵan gazge beyimlestirilgen APJlardan “Aqtuba” awılına 268, “Abat” awılına 102, “Jańa bazar” awılına 153, “Jalpaq jap” awılına 490, “Kók ózek” awılına 410, “Qumshúngúl” awılına 239, “Júzimbaǵ” awılına 128, “Ishanqala” awılına 75 xojalıqqa suyılttırılǵan gaz jetkerip beriledi.
Usı jıldıń yanvar-aprel aylarında xalıqqa suyılttırılǵan gaz jetkerip beriw rejesi 114 tonnanı qurap, ámelde 114 (100 procent) tonna jetkerip berildi.

Qaraqalpaqstan xabar agentligi