Urumchi qalasında “Qıtay – Oraylıq Aziya” formatında bilimlendiriw ministrleriniń birinshi ushırasıwı bolıp ótti.

Ózbekstan Joqarı bilimlendiriw, ilim hám innovaciyalar ministri Qońıratbay Sharipov óziniń shıǵıp sóylegen sózinde mámleketimizde tarawdı jetilistiriw, bilimlendiriwdiń sapasın hám nátiyjeliligin arttırıw baǵdarında alıp barılıp atırǵan reformalar haqqında maǵlıwmat berdi. Xalıqaralıq birge islesiw, atap aytqanda, Qıtay menen qatnasıqlar barǵan sayın bekkemlenip atırǵanın atap ótti.
Ánjuman juwmaǵında tárepler bir qatar ámeliy baǵdarlar boyınsha birge islesiwdi tereńlestiriwge kelisip aldı. Sonıń ishinde, baylanıslardı institucionallıq tiykarda bekkemlew, oqıtıwshılardıń mamanlıǵın arttırıw baǵdarlamaların jolǵa qoyıw, birgelikte ilimiy izertlewler alıp barıw hám kadrlar tayarlawdı óndiris penen úylestiriw zárúr ekenligi tastıyıqlandı.
Qıtay hám Oraylıq Aziya mámleketleri joqarı bilimlendiriw mákemeleri arasında birge islesiw memorandumlarına qol qoyıldı. Birgeliktegi laboratoriyalar, ilimiy oraylar shólkemlestiriw boyınsha da anıq baslamalar alǵa qoyıldı.
Bul ushırasıw regionallıq kólemdegi baylanıslardı jańa basqıshqa alıp shıǵıw jolında áhmiyetli qádem bolıp esaplanadı.

M.Sayfullaev, ÓzA