Taqıyatas rayonında jaylasqan áskeriy bólimde «Nuraniylar turmısı ibrat mektebi» súreni astında «Úsh áwlad ushırasıwı» ótkerildi.
Ushırasıwda «Nuraniy» qorı Qaraqalpaqstan Respublikası bóliminiń bas qánigesi Gafur Kalmuratov, “Nuraniy” qorı Taqıyatas rayonlıq bóliminiń baslıǵı Aminbay Ersaidov, Respublikalıq Ruwxıylıq hám aǵartıwshılıq orayı rayonlıq bóliminiń baslıǵı Mukarrama Djumamuratova, Áskeriy bólim xızmet baslıǵı kapitan Muxsin Hayitov, belsendi nuranıylar, «Kekseler másláháti toparı» nıń aǵzaları, mektep jámááti menen jaslar qatnastı.
Shıǵıp sóylewshiler tárepinen kekselerdi húrmet etiw, olarǵa izzet-húrmet kórsetiw qádiriyat esaplanatuǵınlıǵı, sol sebepli búgingi kúnde nuranıylardıń miynet tájiriybesin úyreniw, násiyatlarına ámel etiwdi jas áwlad wákillerine úyretiw maqsetinde «Nuraniyler turmısı ibrat mektebi» súreni astında «Úsh áwlad ushırasıwı» shólkemlestirilgenligi haqqında aytıp ótti.
Keyingi jılları mámleketimiz basshısı tárepinen kekse áwlad wákillerin sociallıq qollap-quwatlaw, olardı salamatlandırıw jumısların nátiyjeli shólkemlestiriw hám bos waqıtların mazmunlı ótkeriw, jámiyetlik turmıstaǵı belsendiligin arttırıw baǵdarında bir qatar jumıslar ámelge asırılıp atırǵanlıǵı atap ótildi.
Ilaj sońında rayonlıq Mádeniyat bólimi hám «Shuǵla» ansambli tárepinen koncert baǵdarlaması qoyıp berildi.
Qaraqalpaqstan xabar agentligi