Kuveytte bolıp ótken Aziya Olimpiada Keńesiniń (AOK) 45-Bas assambleya májilisinde 45 mámlekettiń Milliy olimpiada komitetleriniń wákilleri qatarında Ózbekstan Milliy olimpiada komitetiniń bas xatkeri Aybek Qosimov ta qatnastı.
Májiliste AOK bas direktorı Husayn al Musallamnıń Bas assambleyanıń 2026-jılǵı májilisin Tashkent qalasında ótkeriw boyınsha usınısı bir awızdan qollap-quwatlandı. Bul elimizde Olimpiada háreketine bolǵan joqarı itibar hám xalıqaralıq maydandaǵı abırayın jáne bir márte tastıyıqladı.
45-Bas assambleya sheńberindegi ilajlar dawamında Ózbekstan milliy olimpiada komitetiniń bas xatkeri Aybek Qosimov xalıqaralıq sport shólkemleriniń wákilleri menen bir qatar ushırasıwlar ótkerdi.
Xalıqaralıq Olimpiada komiteti Atletler komissiyasınıń baslıǵı hám jaqında XOK prezidenti lawazımına saylanǵan Kirsti Koventri menen sóylesiw waqtında Ózbekstanda olimpiada háreketi izbe-iz alıp barılıp atırǵanı atap ótildi.
Esletip ótemiz, 2022-jılı paytaxtımız Tashkentte Aziya Olimpiada keńesi Atqarıw komitetiniń májilisi úlken tabıs penen shólkemlestirilgen edi.
T.Rwziev, ÓzA