9-may-«Eslew hám qádirlew kúni» – bul tek ǵana bayram emes, al xalıqtıń, millettiń, mámlekettiń qádiriyatlarǵa bolǵan múnásibetin belgileydi. Sonıń menen birge, bul tariyxqa húrmet hám ótken kúnlerden juwmaq, Watan pidayıların eslew, jas áwladtı Watansúyiwshilik ruwxında tárbiyalaw, jası úlken nuraniylerge itibar hám húrmet kórsetiw degendi de ańlatadı.

Hár jılı elimizde keńnen belgilenip atırǵan 9-may – «Eslew hám qádirlew kúni» múnásibeti menen sud sistemasında uzaq jıllar nátiyjeli jumıs islegen veteran sudyalardıń halınan xabar alıw, olardı qádirlew, itibar hám ǵamqorlıq kórsetiw jaqsı dástúrge aylanǵan.
Sonlıqtan bıyıl da Qaraqalpaqstan Respublikasındaǵı sudlardıń sudyaları bir qatar kásiples ustazlarınıń shańaraqlarında bolıp, olarǵa estelik sawǵaların tapsırdı.
Nuraniylerimiz de óz gezeginde bunday itibar hám ǵamqorlıq ushın ilaj shólkemlestiriwshilerine minnetdarshılıq bildirip, jas sudlardı ádillik hám nızam ústinligin támiyinlewdey ullı wazıypaǵa sadıq bolıwǵa shaqırdı.

Adilbay Orazov
Qaraqalpaqstan xabar agentligi sholıwshısı.