Aldın xabar berilgenindey, orınlarda quyash panellerin ornatıw jumıslarınıń bajıxana xızmetkerleri tárepinen muwapıqlastırıw ilajları dawam etpekte.

Nókis qalasındaǵı “Muhammad Al-Xorezmiy” atındaǵı qánigelestirilgen mektepke 200 kVt quwatlılıqtaǵı quyash panelleri ornatılǵan.
504 orınǵa mólsherlengen bul mekteptiń 222 orınlıq jataqxanası bolıp, oqıwshılar 5 mezgil ıssı awqat penen támiyinlengen. Sonlıqtan da, mekteptiń elektr energiyasına talabı joqarı – jılına 350 mıń kVt.
Mektepke ornatılǵan 200 kVt/saat quwatlılıqtaǵı alternativ energiya dárekleri arqalı islep shıǵarılıp atırǵan energiya búgingi kúnde mekteptiń talabın tolıq qanaatlandırıp, awısqan energiyanı tarmaqqa uzatıw nátiyjesinde jılına 35-40 million sum muǵdarında dáramat alıwına da tiykar jaratpaqta.
Juwapker bajıxana xızmetkerleri tárepinen ornatılǵan inventorlardıń jumısshı jaǵdayı úyrenilip, Bajıxana komitetiniń “Jasıl energiya” baǵdarlamasında tastıyıqlaw ilajları kórildi.

Qaraqalpaqstan xabar agentligi