Mámleketimizdiń barlıq máhállelerinde usı jıldıń 1-mayınan baslap puqaralar jıyını baslıqların saylaw isleri baslanıp, áyne payıtta dawam etpekte. Saylaw procesi 1-iyulǵa shekem dawam etip, elimiz boylap 9500 máhállede ótkeriliw belgilengen. Usı jılı Ózbekstan Respublikasınıń «Puqaralar jıyını baslıǵın saylaw haqqında»ǵı nızamına ózgerisler hám qosımshalar kirgizildi. Jańa redakciyadaǵı nızamǵa bola, endi mákan puqaralar jıyını baslıqlarınıń wákillik múddeti 5 jılǵa sozdırıldı.

Taqıyatas rayonındaǵı “Oraylıq” mákan puqaralar jıyını baslıǵın saylaw bolıp ótti.
Ashıq-aydınlıq principi tiykarında ótkerilgen ilajda Máhálle baslıǵı saylawı juwmaǵına bola Gúlchexra Babajanova “Oraylıq” MPJ baslıǵı etip saylandı.
-Jańadan saylanıp atırǵan MPJ baslıǵınan máhállemiz ele de abat bolıwı, xalqımızdıń jaqsı turmıs keshiriwi ushın islerde bas-qas bolıp, juwapkershilik penen jumıs alıp barıwına isenemiz hám úmit etemiz,-deydi máhálle turǵını Ayna Tureeva.

Qaraqalpaqstan xabar agentligi