Respublikamızdıń basqa aymaqlarında bolǵanı sıyaqlı, Bozataw rayonında «Bes baslama olimpiadası» sheńberinde sporttıń «Mini futbol» túri boyınsha «Mámleketlik qáwipsizlik xızmeti kubogi» jarısınıń rayonlıq basqıshı bolıp ótti.

Oǵan rayonnıń barlıq aymaqlarınan komandalar qatnasıp, qızǵın ótken oyınlar juwmaǵında, Bozataw posyolkası jasları birinshi orındı iyelewge miyasar boldı hám jarıstıń kelesi basqıshına jollamanı qolǵa kirgizdi. Al, sıylı ekinshi hám úshinshi orınlar Erkindárya hám Qusxanataw awıl puqaralar jıyınlarınıń komandalarına nesip etti.
Jeńimpaz komandalar shólkemlestiriwshiler tárepinen tayarlanǵan arnawlı diplomlar menen sıylıqlandı.

Adilbay Orazov
Qaraqalpaqstan xabar agentligi sholıwshısı.