9-may – Eslew hám qádirlew kúni

Shomanay rayonı orayındaǵı «Hásiretli ana» esteliginiń aldında 9-may – Eslew hám qádirlew kúni hám Ekinshi jer júzilik urısta erisilgen jeńistiń 80 jıllıǵı múnásibeti menen ilaj ótkerildi.

Oǵan, rayon hákimi, huqıq qorǵaw uyımlarınıń basshıları, nuranıylar, barlıq mákeme, kárxana, shólkem basshıları hám qánigeleri qatnastı.
Ilajda rayon hákimi A.Ametov shıǵıp sóylep, ilaj qatnasıwshıların bayram menen qızǵın qutlıqlap, jaqsı tileklerin bildirdi.
Ekinshi jer júzilik urısta mártlik kórsetip, xalqınıń tınıshlıǵı ushın gúresken watanlaslarımızdıń esteligi húrmetine gúlsheńberler qoyıldı.
Álbette, xalqımızdıń tariyx betlerine óshpes háripler menen jazılǵan bunday mártlik hám jigerlilik, adamgershilik, miyrim-shápáát hám joqarı mánawiyat bárshemizdiń qálbimizge sheksiz maqtanısh baǵıshlaydı.

Qaraqalpaqstan xabar agentligi