9-may – Eslew hám qádirlew kúni

Moynaq rayonında da 9-may – Eslew hám qádirlew kúni hám Ekinshi jer júzilik urısta erisilgen jeńistiń 80 jıllıǵı belgilendi.

Bayram múnásibeti menen rayondaǵı «Hásiretli ana» esteligi maydanına mámleketlik hám jámiyetlik uyımlar, sonday-aq, keń jámiyetshilik wákilleri toplandı.
Moynaq rayonı hákimi B.Menglibekov bayram múnásibeti menen «Hásiretli ana» esteligine gúlsheńber qoyıp, Ekinshi jer júzilik urısta qurban bolǵanlardıń esteligine húrmet kórsetildi.
Sonday-aq, Qurallı Kúshler sistemasına kiriwshi strukturalar wákilleri, mákeme shólkemler, keń jámiyetshilik wákilleri menen jaslar da estelikke gúl qoydı.
Shınında da, áwladlar tárepinen ata-babalardan qalǵan miyrastıń qásterleniwi, elimizdiń tınıshlıǵı biybaha baylıq ekeni umıtılmawı, hadal miynet etip, abadan turmıstıń qádirine jetiwi dawam eter eken, xalqımızdıń basınan baxıt qusı ketpeydi.

Qaraqalpaqstan xabar agentligi