Búgin, 8-may kúni barlıq xızmetkerler nızamlı tiykarda jumıstan 1 saat aldın ketiw huqıqına iye. Bul jaǵday Ózbekstan Respublikası Miynet kodeksiniń 187-statyasında belgilengen bolıp, oǵan bola bayram (islemeytuǵın) kúnleri aldında kúndelikli jumıs (yamasa smena) múddeti keminde bir saatqa qısqartıladı.

Bizge belgili, 9-may – “Eslew hám qádirlew kúni” mámleketimizde rásmiy dem alıs kúni esaplanadı. Usı múnásibet penen búgin barlıq xızmetkerlerge ádettegi jumıs waqtınıń tamamlanıwınan 1 saat aldın úyge ketiwine ruxsat beriledi. Mısalı, ádette keshki 18:00 ge shekem isleytuǵın xızmetkerler búgin 17:00 de jumıstı juwmaqlawı múmkin.
Bul tártip barlıq jumısshılar ushın ulıwma esaplanadı. Soǵan qaramastan, jumıstıń úzliksizligi támiyinleniwi zárúr bolǵan shólkemlerde yamasa jumıs procesiniń ózine tán ózgeshelikleri sebepli waqıttı qısqartıw imkaniyatı bolmaǵan jaǵdaylarda, xızmetkerlerge artıqsha islegenligi ushın kompensaciya belgilenedi.
Bul kompensaciya xızmetkerdiń kelisimi menen jumıstan tısqarı islegen saatları ushın qosımsha dem alıs waqtı beriw yamasa miynetke haqı tólewdiń belgilengen normaları tiykarında aqshalay túrinde tólenedi.
Sol sebepli, búgin miynet etip atırǵan barlıq xızmetkerler óz waqtın durıs rejelestirip, belgilengen tártipke muwapıq 1 saat erte úyge qaytıw huqıqınan paydalanıwı múmkin,-dep málimleme beredi xs.uz saytı.

Qaraqalpaqstan xabar agentligi