Húkimettiń tiyisli qararına tiykarlanıp, “Taza qollar” baǵdarlaması ámelge asırıladı. Bul haqqında Ádillik ministrligi xabar berdi.

Baǵdarlamaǵa bola, densawlıqtı saqlaw hám bilimlendiriw shólkemleri sanitariyalıq-gigienalıq qurallar menen jeterli muǵdarda támiyinlenedi hám ishimlik suwı támiynatı jáne sanitariyalıq obektler (hájetxana) infrastrukturası jaqsılanadı. Olar imaratlardıń ishki bóliminde jaylastırıladı.
Sonday-aq, Mámleketlik investiciyalardı basqarıw geoportalı maǵlıwmatlarınan paydalanǵan halda ulıwma orta bilimlendiriw shólkemleriniń sanitariyalıq-gigienalıq infrastrukturaların jaqsılaw boyınsha mánzilli baǵdarlama qáliplestiriledi.
Bunnan tısqarı, ulıwma orta bilim beriw shólkemlerin xalıqaralıq tájiriybe tiykarında suw támiynatı, sanitariya hám gigienanıń “Úsh juldızlı qatnas” metodikası tiykarında bahalaw sisteması jolǵa qoyıladı.

Qaraqalpaqstan xabar agentligi