Ózbekstan Respublikası Sırtqı isler ministrligi Hindstan hám Pakistan arasındaǵı keskinlesip baratırǵan jaǵday boyınsha bayanat berdi.

“Ózbekstan tárepi Hindstan hám Pakistan arasındaǵı keskinlesip baratırǵan jaǵdaydıń rawajlanıwın qáweterleniw menen baqlamaqta.
Eki tárepti salmaqlılıq kórsetiwge, tınıshlıq hám turaqlılıq mápleri tiykarında háreket etiwge, jaǵdaydıń jáne de jamanlasıwınıń aldın alıw ushın diplomatiyalıq sóylesiwge tiykarǵı áhmiyet beriwge shaqıramız,” delinedi SIM bildiriwinde.
Sonday-aq, Ózbekstan jaǵdaydı deeskalizaciyalaw hám tınısh jol menen sheshiwge qaratılǵan hár qanday xalıqaralıq yamasa regionallıq háreketlerdi qollap-quwatlawǵa tayar ekenin málim etken.

Qaraqalpaqstan xabar agentligi