Usı kúnlerde Energetika ministrligi hám sistema shólkemleriniń wákillerinen ibarat Ózbekstan delegaciyası Indoneziyada bolıp tur.

Delegaciyanıń xızmet saparı dawamında «Qayta tikleniwshi energiya dárekleriniń tarmaqqa integraciyası» (Variable Renewable Energy Integration to the Grid – VRE) atamasında xalıqaralıq oqıw-seminar shólkemlestirildi.
Aziya rawajlanıw banki tárepinen shólkemlestirilgen bul ilajda qatnasıwshılarǵa Indoneziyanıń ózgeriwsheń qayta tikleniwshi energiya dáreklerin tarmaqqa qosıw baǵdarındaǵı institucionallıq, texnikalıq hám siyasiy kózqarasları boyınsha maǵlıwmatlar usınıldı. Sonday-aq, seminarda qayta tikleniwshi energiya dáreklerin milliy elektr tarmaǵına nátiyjeli integraciyalaw máselelerine hár tárepleme itibar qaratıldı.
Sapar dawamında Ózbekstan delegaciyası Indoneziya energetika hám tábiyǵıy resurslar ministrligi, jergilikli tarmaq operatorları jáne bir neshe tabıslı VRE joybarları ámelge asırılǵan obektlerge barıp, olardıń jumısı, basqarıw mexanizmleri hám texnologiyalıq sheshimlerin úyrenbekte. Atap aytqanda, VRE joybarları sheńberinde fotoelektr stanciyaların elektr tarmaǵına turaqlı hám sinxron túrde jalǵaw, maǵlıwmatlardı avtomatlastırılǵan monitoring arqalı qadaǵalaw, quwatlılıqtıń keskin ózgeriwin azaytıwǵa qaratılǵan aymaqlıq basqarıw sheshimleri menen baylanıslı jetik tájiriybeler kórsetilmekte.
Energetika ministrligi málimleme xızmetiniń xabarına bola, bul oqıw hám Indoneziya tájiriybesi Ózbekstanda qayta tikleniwshi energiya dáreklerin jedel rawajlandırıw, olardı milliy tarmaqqa tabıslı integraciyalaw hám energetika tarawında turaqlı sistema jaratıwda ámeliy áhmiyetke iye.
Esletip ótemiz, delegaciyanıń ámeliy saparı 9-may kúni juwmaqlanadı.

N.Ziyodullaeva tayyorladi, ÓzA